Nongstoiñ, Nohprah 10
Ka West Khasi Hills Dis-trict Cricket Association ka la sdang ïa ka lympung ïalehkai kriket ba la tip kum ka District League 2nd Division ha ka lah sngi U Blei ha kaba ka Tiehsaw Cricket Club ‘B’ bad ka Mawkawah ‘B’ ki la khur ïa ka jingjop ha madan Mawrusyiar, West Khasi Hills.
Ha ka jingïalehkai kaba nyngkong, ka Tieh-saw Cricket Club ‘B’ ka la pynliem noh ïa ka Maw-rusyiar Youth & Cultural Club da 9 run. Ïa ka jingkynting pisa la jop da ka Tiehsaw CC ha kaba ka la kamai 136 run bad shah pynhap 10 wiket ha ki 18.5 over. Hynrei haba wan beh ïa ka thong ka Mawrusyiar YCC ka la kamai tang 127 run bad shah pynhap 6 wiket ha ki 20 over.
Ïa ka nam Player of the Match la ïoh ban khur da u Ritchie Diengdoh na ka Tiehsaw Cricket Club.
Haba phai sha kawei pat ka jingïakhun, ka Mawkawah ‘B’ ka la jop da 17 run ïa ka Kriangrin S&CC. Haba shimti ban tied nyngkong, ka Mawka-wah ‘B’ ka la kamai 142 run bad shah pynhap 7 wiket ha ki 20 over.
Ha kaba beh ïa ka thong ka Kriangrin S&CC ka la kamai tang 125 run bad shah pynhap 10 wiket ha ki 20 over. Ïa ka nam Player of the Match la ïoh da u Allan Donlad Marngar na ka Mawkawah.
Ha kane ka sngi, nalor ki nongïalam jong ka synjuk, la donlang ruh ki riewrangbah bad kiwei kiwei.
