Shillong, Nohprah 10
U Purav Agarwal uba long u nongïalehkai ‘off-spinner’ na Tura, u la rung hapoh ka thup jong ka ïew ïathied ïa ki rangïalehkai na ka bynta ka Indian Premier League 2026.
Une u rangïalehkai ba 22 snem ka rta un leit ha ka jinglilam ka ban long ha ka 16 tarik mynta u bnai ha Abu Dhabi.
U Purav u la mihkhmat ïa ka Meghalaya ha ka kyrdan ïalehkai U-19 bad U-23, kaba dang shen ha ka Col CK Nayudu Trophy 2025-26. Ka samoi ïalehkai kaba u la lah ban ïalehkai bha ka dei ha u snem 2021-22 ha kaba u la lah ban khur 30 wiket ha ka U-19 men’s Cooch Behar Trophy. Dang shen, u la ïatreilang bad ka kynhun ïalehkai IPL ka Rajasthan Royals kum u ‘net bowler’, kaba pyni ïa ka jingaiti lut, ka jinglong ryntih bad ka jingïeid jong u ïa ka jingïalehkai kriket.
Na ka liang ka MCA ka la pynpaw ka jingsngew sarong halor ka jingkiew u Purav kum u nongïalehkai kriket bad u Secretary u Bah Rayonald Kharkamni u la ai khublei ïa u bad kitbok kitrwiang ïa u ba un nangkiew shaphrang ha ka kam ïalehkai kriket.
