Khliehriat, Nohprah 14
Ka Byndihati ka la pynjem khnap ïa ka Dkhiah West haduh 15-0 kol ha ka lympung ïialehkai ki kynthei ba tip kum ka Women’s Football Tournament’ ba la pynïaid da ka East Jaiñtia Hills District Football Association (EJHDFA) ha ka sngi Saitjaiñ ha madan artificial turf Diengshynrum, Khliehriat.
Ha kane ka jingïakhun ka Makrisha Songthiang ka la khur da ar tylli ki hat-trick hadien ba ka la ïoh ban thep ha ka minit kaba 7, 9, 10, 32, 35, 63, 66 bad 70. Katba ïa kiwei pat ki kol la thep da ka Charlinda Nongtdu (6), Hapily Lyngdoh (15), Deimomi Lyngdoh (34), ka Diwakapaia Dkhar (42 & 78), Odakani Nongtdu (62) bad ka Angelina Phawa (75).
Shwa ïa kane ka Umshong SC ka la pynliem noh ïa ka Sutnga XI da 1-0 kol bad kane ka la wan urlong lyngba ka shi kol ba la thep da ka Nidaroiki Biam ha ka minit kaba 65.
