Shillong, Nohprah 14
Ka lympung ïalehkai 5th Mawkynrew Cup Football Tournament 2025-26 ka la sdang ha ka sngi Saitjaiñ ha madan Jongksha ha kaba la wan shim bynta da ki kynhun ïalehkai kiba na ka thaiñ Mawkynrew hi baroh kawei.
Ïa kane ka lympung la wan ban plie da u MLA ka Mawkynrew u Bah Banteidor Lyngdoh bad uba long ruh u nongseng bad nongai buit haduh mynta. La iadon lang ruh u Bah Ïohbor Suting uba long u nongïalam shnong Jongksha, u Bah Andra Rynjah, President ka NPP Mawkynrew Block lem bad ki bor pynïaid.
Ki kynhun ki ban shim bynta ha kane ka lympung ki long 36 tylli ha ka liang ki shynrang bad 12 tylli ha ka liang ki kynthei bad yn pynïaid ïa kane ka lympung ha ka dur jong ka league cum knockout.
Ha katei ka sngi sdang la sam sha ki klob bapher bapher jong ki kynthei bad shynrang ha ka liang ka March Past. Ha ka liang ki shynrang la jop da ka Laitkyrhong bad ka Thangsning ha ka liang ki kynthei.
Haba phai sha ka jingïalehkai jong kane ka sngi sdang, ka Jongksha ka la pynliem noh ï aka Mawkynrew lyngba ka shi kol ba la thep da u P. Songthiang ha ka minit kaba 76.
