Shillong, Nohprah 14
Ka All Meghalaya Karate Do Association (AMKA) ka la sei haduh 15 ngut ki khynnah kiba la mih na ka nongbah ban leit shim bynta ha ka 69th School Games Federation of India Under-14 Karate Championship kaba la long ha Indore, Madhya Pradesh.
Ïa kane ka lympung kaba la sdang naduh 14 bad kut ha ka 19 tarik mynta u bnai, la ïalam da u coach u Bah Donboklang Lyngdoh, kumjuh u Mingson Rymbai, Barisha Kharbani bad u Sharai Nongneng Shanpru.
Kine ki 15 ngut ki khynnah ki kynthup ïa u Gapesa Mon-I Sten (-24kg kumite), Nika-La-Ai-Me Shadap (-30kg kumite), Fellysha Nongsiej (-34kg kumite), Tatiana Nongsiej (-38kg kumite), Aasthika Pradhan (-42kg kumite), Hinam Kiman Lamin (-46kg kumite), Adella Nongrum (-50kg kumite), Ibalatyngkai L. Nongkynrih (+50kg kumite), Dakitdorbha L Chyne (-30kg kumite), Savio B Majaw (-35kg kumite), Jovial Kharjana (-40kg kumite), Fadrik Wanñiang (-45kg kumite), Aibor Jyrwa (-50kg kumite), Precious Stone Mukhim (-55kg kumite) bad u Medonlang Nongkynrih (+60kg kumite).
Te kumta kat kum ka kyrwoh ba la pyllait da u General Secretary Bah Ksan Kupar Warjri, u la pynpaw ba na ka liang ka synjuk ka la ai khublei ktibok kitrwiang ïa kane ka kynhun ba kan ïalehkai bha ha katei ka lympung bad ruh ban ïoh kheit ïa u soh jong ka jingjop.
