Shillong, Nohprah 16
Ka Seng Samla Sports and Cultural Club Mynni Mawbri, West Khasi Hills District ha ka 10 tarik mynta u bnai ka la pynlong ïa ka jingïalang pyn-kup burom ïa ka samla Kynshewlypa Mawlieh kaba na ka shnong Mynni Mawbri Nongstoiñ Syiem -ship kaba la wanrah nam bad burom ym tang ïa ka shnong ka thaw, ka dong ka thaiñ hynrei ïa ka jylla baroh kawei.
Kum ban shu pynkynmaw kane ka samla ka la leit ban ïashim bynta ha ka 17th Junior National Mi-cro Futsal Championship 2025 ha nongbah Delhi ba la pynïaid da ka Indian Futsal Federation kaba ka la mihkhmat na ka School Joel Gatphoh Memorial Synod HSS, Kynroh Nongkynjang, Nongstoiñ. Ha katei ka jingleit ïashim bynta, ka kynhun jong ki thei ïalehkai ka Jylla ka la wanrah burom da kaba ka la khur ïa ka nam lahduh.
Te kumta katei ka klob hapoh ka jingïalam u President bad Secretary ki la pynkup burom ïa katei ka samla da ka jaiñ thohriaw stem bad ka memento ha ryngkat ka jingkren ai mynsiem bad kyntu kynpham na u Secre -tary u Bah Balambokstar Dkhar ha ka jingsakhi bad don ryngkatlang jong ki kmie ki kpa bad kiba ha ïing ha sem.
La ïoh ruh ka jingkren ba lyngkot na ka samla Kynshewlypa Mawlieh bad na u kpa jong ka uba la pynpaw ka jingsngewnguh sngew burom ïa ka klob ba ka la ithuh kyrpang ïa ka khun jong u lyngba kane ka jingpynkup burom.
