Shillong, Nohprah 16
U rangïalehkai ka India u Venkatesh Iyer u la shah thied ha ka Royal Challengers Bengaluru ha ka dor T.7 klur ha ka ïew ïathied rangïalehkai na ka bynta ka IPL 2026, ha ka sngi Ba-ar.
Ha kane ka ïew, ka RCB ka la ïathong bad ka kynhun barim u Iyer, ka Kolkata Knight Riders hashwa ba kan lah ban pynurlong ban soi ïa u.
Dangshen utei u rangïalehkai (batting all-rounder) u la lah ban kamai 141 run ha ki khyndai sien ïakhun ha ka over kaba 105.22 ha ka Syed Mushtaq Ali Trophy 2025-26.
Lah ban kdew, u Iyer u la ïoh ïa ka jingsiew kaba T. 23.75 klur ha ka IPL 2025 na ka bynta ka Kolkata Knight Riders (KKR).
Une u rangïalehkai ba dang 30 snem ka rta u la ïalehkai tang na ka bynta kawei ka kynhun ïalehkai jong ka IPL, ka Kolkata Knight Riders. U la mih madan ha ki 62 tylli ki jingïalehkai, ha kaba u la kamai 1468 ron ha ka average kaba 29.95 bad ka ‘strike rate’ kaba 137.32.
