Shillong, Nohprah 17
Ka Rangshangkham SC bad ka Wahlyngkien Sunei SC ki la ïasam mar shi point ha ka First Division Football Tourna -ment 2025-26 ba la pynïaid da ka Tyrsad Area Sports Association TASA), hadien ba ki la ïakhaid mar 1-1 kol ha ka sngi Balang.
Ha kane ka jingïa-khun kaba la long ha madan Mawlum Tyrsad, ka Rangshangkham ka la pynkhih jar nyngkong eh lyngba u Ditolesstar Hynñiewta (27), hynrei ka Wahlyngkien Sunei ka la lah ban pynïakhaid kylla lyngba u Keming-star Kharhunai (60).
Haba phai sha kawei pat ka jingïakhun kaba ar, ka Mawponghong SC bad ka Thaiñthynroh SC ki la ïakhaid mar 1-1 kol.
Ka Thaiñthynroh ka la ïoh ban pynkhih jar nyngkong eh lyngba u Wanhun Nongsiej ha ka minit kaba 26. Hynrei ka Mawponghong ka la pynphai kylla ha ka kylla miet lymgba u Justlywell Jala ha ka minit kaba 56 na ka bynta ban ïakhaid mar shi kol.
Kane ka lympung kan bteng biang ha ka 29 tarik mynta u bnai ha kaba ka Perkseh SC kan ïakhun pyrshah ïa ka Maw-dngong SC ha ka por 11:30 mynstep, katba ka Kyrphei SC ïa ka Mawkynroh SC ha ka por 2 baje nohphai sngi.
