Mawkyrwat, Nohprah 17
Ka Nongjri FC ka la rung sha ka semi final ha ka lympung ïalehkai Christmas Cup Football Tournament 2025 ba la pynïaid da ka Seng Samla Umsur, hadien ba ka la pynliem noh ïa ka Nongbri Brothers da 5-4 kol ha ka sngi Balang ha madan Nongjri, South West Khasi Hills District.
Kane ka jingïalehkai ka long kaba itynnad bad ïa biang bor bha ha kaba baroh ar ki kynhun kim shym la lah ban thep kol hadu kaba kut ka jingïalehkai.
Dei ha ka tie-breaker ba ka Nongjri FC ka la lah ban thep 5 kol, katba ka Nongbri Brother ka la thep ban pynrung tang 4 kol.
Na ka liang ki bor pynïaid ki la pyntip ruh ba ka jingïalehkai final kan long ha ka sngi Saitjaiñ (20 tarik) ha ka por 1 baje nohphai sngi hapdeng ka Nongjri FC pyrshah ïa ka Umsur FC.
Kumta na ka liang ka Seng Samla Umsur ka la wer ïa ki paitbah jong ka dong ka thaiñ ban kin wan ban sakhi ïa katei ka jinglehkai. Ïa kane ka lympung la kyrshan lang da ka FKJGP Nongjri Area Unit.
