Shillong, Nohprah 22
U Bah Sanbor Shullai uba dei u Myntri Sorkar bad MLA ka South Shillong, u la plie paidbah ïa ka madan basketball ha ka jaka ri khunswet jong ka Rilang Home ïa kaba u la ai ha ka por ba u wan ban lehkmen ïa ka jingrakhe sngi kha kaba 58 snem ka jong u bad ki khun swet kiba shong basah ha ka Rilang Home.
Ïa u Bah Sanbor la pdiang sngewbha da u Fr. James Thyrñiang uba dei u Executive Director jong ka BIDS ha ryngkat bad ki jongtrei jong ka Rilang home.
Kum ban shu kdew, ha por ba lehkmen sngikha u Bah Sanbor u la pynbna ba un pynïoh ïa ka madan ïalehkai basketball ha kane ka jaka ri khun swet bad ka jinglut jingsep baroh ka long T. 7 lak tyngka.
U Bah Sanbor haba ai jingkren u la pynpaw ka jingkmen ba u la ïoh ban ïa don bynta lang bad kane ka jaka ri khunswet bad bynrap ruh ba ka jingplie ïa kane ka jaka ïalehkai ka long kum ka jingai sngewbha Khristmas sha ki khynnah bad ïa baroh kiba ïa don bynta lang bad ka Rilang Home.
