Singapore, Nohprah:
Uwei u briew uba dei u nong India ha Singapore u la shah pynngat kyndon ha ka Sngi Nyngkong halor ka jingbyrngem ba lamler kumba ju leh ki lehnoh, pyrshah ia kawei ka ïingmane ha kaba la pynsangeh noh ïa baroh ki jingïaseng kiba dei ban long ha katei ka sngi bad kane ka la jia ha ka Sngi U Blei.
U Kokulananthan Mohan, uba la shah pynngat ha ka kyndon jong ka Regulation 8(2)(a) jong ka United Nations (Anti-Terrorism Measures) Regulations, u la shah kem hadien ba la lap ïa kawei ka tiar kaba suba ha St Joseph’s Church kaba don ha shi-lynter ka thaiñ Upper Bukit Timah, kaba kynthup ïa ka jaka shong briew kaba rem dor.
Katkum ki kyndon ba la pynngat ia u, la ong ba utei u briew uba la don kumba 26 snem ka rta, u la shah kynnoh ba u la buh lai tylli ki tyndong kot pyndap da ki maw pyllun bad ki wire kiba saw kiba mih shabar, kiba la pyniasoh bad pyndait lang da kaba pyndonkam da ki ‘black & yellow tape’ bad ba la leit buh ha katei ka iingmane ha ka por kumba 7.11 baje mynstep jong ka Sngi U Blei.
La kynnoh ba la leh ia kane da ka jingthmu ban pynngeit ia uwei pat u briew ban sngewthuh bakla ba katei ka tiar ka lah ban bthei ne pynmynsaw ia kiba don ha katei ka jaka bad kaba lah ban pynmynsaw ia u briew ne pyn-julor ia ki mar ki mata kiba don ha katei ka jaka.
“Ki jingtohkit ba nyngkong ki pyni ba utei u briew u la kynnoh ba u la pynlong ia katei ka jingjia da kaba buh ia ka tiar kaba u la shna hi kaba iasyriem bad ka tiar pynbthei kaba la shna kyrpang hapoh ka jaka jong ka ïingmane,” la ong ki pulit jong ka Singapore (SPF) ha ka kyrwoh ha ka Sngi Nyngkong.
Haba la pyntip ba ka liang pynngat ka la wad ban set patok ia u na ka bynta ban bishar bniah ia ka koit ka khiah, u Kokulananthan ha kaba sdang u la ong ba ka don ka “jingkren bakla” namar ba ka jingshah sumar jong u mynshwa ha katei ka hospital ka dei kaba iadei bad ka kyiad, bad la pynbeit ia kane ka jingeh.
U nongbishar u la ong ba ka jingbishar bniah ia ka jingmut jingpyrkhat kaba la pan ka long halor ka jingpeit bniah jong u ophisar tohkit ia ka jinglong bad jinglong jong u Kokulananthan ha ka por ba kem bad ki pulit.
Nangta u Kokulananthan u la ong ba ka daw jong ka jinglong ba la iohi da ki pulit ka dei ka “jingbym iohthiah” namar ba u trei shift miet. U nongbishar u la ong ba u lah ban batai ia kane sha u doktor ba sumar ia ka jingmut jingpyrkhat ha ka por ba bishar bniah ia ka jingpang, ong ka kaiphod jong ka Channel.
Lada lap ba u donkti, u lah ban shah set phatok haduh 10 snem, ka kuna kaba haduh SGD500,000 (USD386,757), lane baroh ar.
