Shillong, Nohprah 28
Kawei na ki nongmareh ba paw ka Jylla, ka Kong Rephica Pde ka la wan ha ka kyrdan basaw ha ka 5th Guwahati Stadium Run 5.0 ba la pynïaid da ka NEEPCO ha ka sngi U Blei ha nongbah Guwahati.
Ha kane ka jingïa-kop mareh, ka Kong Rephica ka la lah ban pyndep ha ki 64 km.
Ki la don haduh 10 ngut ki nongmareh na ka jylla Meghalaya kiba la leit shim bynta ha katei ka jingïakop bad ki la lah ban pyndep haduh kaba kut.
Lah ban kdew ba ka Kong Rephica ka dei kaba la ju ïashim bynta ha kiba bun ki jingïakop mareh ba la pynlong ha kylleng ki jaka jong ka ri India.
