Shillong, K’Lyngkot 04
Ka jingplie ïa ka Mawlai Games & Literary Fest 2026 ka la long kaba ishongkun ha ka sngi Saitjaiñ lyngba ka jing-sakhi lang da ki nongshong shnong jong ka Mawlai Constituency.
Ïa kane ka lympung la plie da ka Joint Director ka DHS bad kaba dei ruh ka Project Director ka Meghalaya Aids Control Society (MACS) ka Dr. K.L. Ïawbor ha ka jingdon -lang u Bah Hering Shang -pliang, AFC Professional A-Licence Coach kum u symbud kongsan, ki Rangbah Shnong jong ka Shnong Mawlai, ki nongïalam Seng Samla, ki dkhot jong ka Organising Committee ka MG&LF lem bad kiwei kiwei.
Ki jingïalehkai ki ban pynlong ha kane ka lympung ki kynthup ïa ka Arm Wrestling, Boxing, Foot-ball, Archery, nalor ki jing-ïalehkai ki ban pynshut jabieng kum ka jingïakop kyntip (quiz), jingïatyrko (debate) bad kiwei kiwei.
Haba ai jingkren ha katei ka sngi, ka Dr. Ïawbor ka la ai khublei ïa ka Organising Committee jong ka MG&LF kaba la shimkhia ban pynlong ïa kane ka lympung ïalehkai ïa ki samla Mawlai kaba long ruh ka lympung kaba ïarap ïa ki samla ban lait na shibun ki jingsniew khamtam eh u drok.
Katba na ka liang u Bah Hering u la kyntu ïa ki samla ba ki dei ban shim bynta ha ki jingïaleh -kai da ka mynsiem jong ka jingïaïeid bad u la ong ruh ba ka kam ïalehkai ka dei kaba pynbha ïa ka longrynïeng ka jong ki hi.
Ha katei ka sngi la pyniphuh ïa ka jingplie da ki jingrwai kiba sngewtynnad bha ba la rwai da ka Mawlai Choir ïa ka theme song jong ka Mawlai Games bad ka jingrwai kyrpang na u samla Freddie Nelson Thangkhiew.
Ha katei ka sngi la sdang ruh ïa ka jingïa-lehkai phutbol ha kaba ka Mawdatbaki ka la jop ïa ka Mawtawar da 4-1 kol.
Lah ban kdew ruh ba ha ka por mynstep jong katei hi ka sngi, u Bah Binningstar Lyngkhoi uba dei uwei na ki khlur mareh marathon jong ka Jylla bad uba dei ruh uwei na ki dkhot jong ka MG&LF lem bad u Bah Goldenstar Kharbuli Chairman ka MG&LF ki la kaweh lama ïa ka Marathon ha kaba la don haduh 132 ngut ki nongmareh na ka shnong Mawlai kiba la ïashim bynta.
Ha ka Under-16 ki shynrang la jop da u Ashwin Lyngdoh Maw-phlang (Ïewrynghep), ba-ar u Jam Hashwa Dover Diengdoh (Mawïong Umjapung) bad balai u Jaden Toi (Ïewrynghep). Katba ha ka liang ki kynthei la rah da ka Joplin Basuk Wahlang (Mawkyn -roh), ba-ar ka Dahunlang Mary Kharthangmaw (Nong -lum) bad balai ka Ibanpynsuklin Ryntathiang (Mawdatbaki).
Ha ka kyrdan senior ki shynrang la rah da u George Everstar Wahlang (Mawkynroh), ba-ar u Mayban Pynshngaiñ War-bah (Mawtawar) bad balai u Rick Lyngdoh (Umja -ïur). Katba ha ka liang ki kynthei la jop da ka Claire Jones Jala Kharbhih (Phudmuri), ba-ar ka Bari Kharjahrin (Umjaïur) bad balai ka Saralin L. Nonglait (Umjaïur).
Ha ka liang ki Veteran la rah da u Bah Badon Singh Tham (Mawtawar), ba-ar u Bah Jenelin Sing Lyngdoh (Mawïong Umja -pung) bad balai u Bah Hasthriwell Thabah (Maw -ïong Umjapung). Katba ha ka liang ki kynthei la jop da ka Kong Mena Mary Wahlang (Mawkynroh), ba-ar ka Kong Wiatcynora Khyriem (Mawdatbaki) bad balai ka Kong Balari Makri (Mawdatbaki).
