Shillong, K’Lyngkot 04
Ka Lagan 2.0 ka la pynliem noh ïa ka Golflink XI Star da 3 wiket na ka bynta ban khur jingjop ha ka Second Division Cricket League 2025-26 ba la pynïaid da ka Shillong Cricket Association ha ka sngi U Blei.
Ha kane ka jingïakhun kaba la long ha madan jong ka MCA kaba ha Polo, ka Golflink XI Star ka la kam trai ban tied nyngkong ha kaba ka la kamai 175 run bad shah pynhap 7 wiket ha ki 20 over. U Mukesh Ghosh u la tied 45 run na ki 24 bol bad u Ankit Kumar Rathor u la ïoh 43 run na ki 38 bol Katba u Rohit Kumar Rai u la khur 2 wiket na ka bynta ka Lagan.
Haba wan shimti ïa ka pali kaba ar, ka Lagan 2.0 ka la lah ban kynjoh sha ka thong da kaba kamai 176 run bad shah pynhap 7 wiket ha ki 19.2 over. U Anuj Kumar u la tied 48 run na ki 26 bol bad u Sameer Dhanraj u la ïoh 33 run na ki 20 bol. Katba u Abid Khan u la khur 2 wiket na ka bynta ka Golflink. Ïa ka nam Player of the Match la khur da u Anuj Kumar.
Haba phai sha kawei pat ka jingïakhun kaba ar, ka Metallica Rising ka la jop da 8 wiket ïa ka Sportive CC. Ka Sportive kaba la shimti ban tied nyngkong, ka la kamai 128 run bad shah pynkhyllem baroh ki nongtied ha ki 19.1 over. U Abhijeet Chanda u la tied 47 run na ki 24 bol bad u Andrew Lyngdoh u la ïoh 38 run na ki 36 bol. Katba u Babul Doley u la khur 5 wiket na ka bynta ka Metallica.
Haba wan shimti ïa ka pali kaba ar, ka Metallica Rising ka la lah ban kynjoh sha ka thong da kaba kamai 130 run bad shah pynkhyllem tang 2 wiket ha ki 14.4 over. U Jaspal Singh u la khyrwit 69 run na ki 44 bol. Katba u Suraj Sharma u la khur 1 wiket n aka bynta ka Sportive. Ïa ka nam Player of the Match la khur da u Babul Doley, uba la khur 5 wiket ha ki 4 over.
