Shillong, K’Lyngkot 04
Ka Umkaber SC ka la pynliem noh ïa ka Mawponghong SC da 2-0 kol na ka bynta ban khur ïa ka jingjop ha ka lympung ïalehkai First Division Football Tourmanent 2025-26 ba la pynïaid da ka Tyrsad Area Sports Association (TASA), ha ka 6 tarik mynta u bnai ha madan Mawlum, Tyrsad.
Katei ka nam jop ka la wan urlong lyngba ki kol ba la thep hashwa ban wai da u Pynkupbor Kharbteng ha ka minit kaba 80 bad kawei pat da u Ador Kharshiing (82).
Haba phai sha kawei pat ka jingïakhun kaba la long kham hashwa hapdeng ka Rangshangkham SC bad ka Mawlum Tyrsad Sc ki la ïasam mar shi point hadien ba ki la ïakhaid mar 2-2 kol. Na ka Rangshangkham la thep lyngba u Sdangborlang L Nonglait (17) bad u Ditolesstar Hynñiewta (31), katba na ka liang ka Mawlum Tyrsad la thep da u Akosstar Khongsit (30) bad u Wadlang Jaba (90+5).
Kane ka lympung kan bteng biang ha ka sngi Ba-ar ha kaba ka Thaiñthynroh SC kan ïakhun pyrshah ïa ka Umkseh SC ha ka por 11:30 mynstep, katba ka Wahlyngkien Sunei SC ïa ka Nongspung AYSCSA ha ka por 2 baje nohphai sngi.
