Shillong, K’Lyngkot 04
Ka Shillong Sports Asso-ciation (SSA) kan sdang ïa ka lympung ïalehkai phutbol ki kynthei ba la tip kum ka Women’s Football League 2026 ha ka lah sngi U Blei ha SSA Stadium.
Ha kane ka lympung ki don haduh 13 tylli ki kynhun ki ban shim bynta ha kaba la phiah ïa ki ha la ki jong ki group. Ha ka Group-A ki long ka Laitkor SC, Nongthym-mai SC, Mawshbuit SC bad ka Umrynjah SC. Ha ka Group-B ki kynthup ïa ka PFR FA, Mawkasiang SC, Lawei SC, Lumparing SC bad ka Lawsohtun SC. Katba ha ka Group-C ki long ka Rangdajied United FC, Nongrim Hills SC, New Challenger FA bad ka Kharang SC.
Te kumta ka jingïa-lehkai jong ka Group-A kan long hapdeng ka Laitkor pyrshah ïa ka Nongthymmai ha ka por 10:30 mynstep, ha ka Group-B ka PFR ïa ka Mawkasiang ha ka por 12:30 mynsngi bad ha ka Group-C ka Rangdajied United pyrshah ïa ka Nongrim Hills ha ka por 2:30 nohphai sngi. Ïa kine baroh ki jingïalehkai yn pynlong ha SSA Sta-dium, Polo.
Kat kum ka kyrwoh la ong ba ïa ka quarter final la thmu ban pynlong ha ka 16 bad 17 tarik, katba ïa ka semi final yn pynlong ha ka 20 tarik bad ka final ha ka 24 tarik mynta u bnai.
