Shillong, K’Lyngkot 05
Ka Donkins CC ka la pynliem noh ïa ka Khalsa Warriors C da 200 run na ka bynta ban khur jingjop ha ka lympung ïalehkai First Division Cricket League ba la pynïaid da ka Shillong Cricket Association ha ka lah sngi U Blei.
Ha kane ka jingïakhun kaba la long ha madan jong ka MCA ha Polo, ka Donkins ka la shimti ban tied nyngkong ha kaba ka la kamai 271 run bad shah pynhap 4 wiket ha ki 40 over. Kane ka la wan lyngba ka jingïalehkai bha u Rohit Rai, uba la khyrwit ïa ka spah run kaba 141 run na ki 114 bol bad u Maksodul Chaudharu u la ïoh 32 run na ki 67 bol. Katba u Kushaldeep u la khur 3 wiket na ka bynta ka Khalsa Warriors.
Haba wan shimti ïa ka pali kaba ar, ki nongtied ka Khalsa Warriors ki la shah pynkhyllem lut baroh bad ban kamai tang 71 run ha ki 22 over. U Kushaldeep u la tied 14 run na ki 18 bol. Katba u Marcus Bhujel u la khur 3 wiket bad ïa ki 2 wiket la khur da u Bhuwan Thapa. Ïa ka nam Player of the Match la khur da u Rohit Rai.
