Shillong, K’Lyngkot 05
Ka lympung ïalehkai Third Division Cricket League 2025-26 ba la pynïaid da ka Shillong Cricket Association (SCA) ka la nangjam shaphrang ha ka lah sngi U Blei ha kaba ka Shillong Sixers CC bad ka Sportive CC ki la khur ïa ka jingjop.
Ha ka jingïakhun kaba la long ha madan Urkaliar Shillong, ka Shillong Sixers ka la pynliem noh ïa ka Riatsamthiah CC da 121 run. Ka Shillong Sixers kaba la kam trai ban tied nyngkong, ka la kamai 245 run bad shah pynkhyllem 4 wiket ha ki 20 over. U Sandeep Roy u la ïoh khyrwit ïa ka spah run kaba 107 na ki 47 bol bad u Meinam Amit Singh u la ïoh 86 run na ki 40 bol. Katba u Adino u la khur 1 wiket na ka bynta ka Riatsamthiah.
Haba wan beh ïa ka thong, ka Raitsamtiah ka la kamai tang 124 run bad shah pynhap 8 wiket ha ki 20 over. U Reagan u la tied 43 run na ki 47 bol. Katba u Sumit u la khur 2 wiket na ka bynta ka Shillong Sixers. Ïa ka nam Player of the Match la khur da u Sandeep Roy, uba la lah ban kamai 107 run bad khur 2 wiket.
Haba phai sha kawei pat ka jingïakhun kaba ar, ka Sportive ka la jop da 127 run ïa ka Jersey King. Ka Jersey King kaba la jop ïa ka kynting pisa, ka la kamai 208 run bad shah pynhap 8 wiket ha ki 20 over. U Jagdeep u la khyrwit ïa ka shiteng spah run kaba 73 na ki 43 bol bad u Rajdeep u la ïoh 25 run na ki 15 bol. Katba u Raj Biswas u la khur 2 wiket na ka bynta ka Jersey King.
Haba wan beh ïa ka thong ka Jersey King, ka shah pynkhyllem baroh ki nongtied bad ban kamai 81 run ha ki 16.1 over. U Vivek Sunar u la tied 25 run na ki 27 bol. Katba u Suraj Sharma u la khur 3 wiket na ka bynta ka Sportive. Ïa ka nam Player of the Match la khur da u Jagdeep.
