Shillong, K’Lyngkot 06
Ka Cluster CC ka la pynliem noh ïa ka Metallica Rising da 10 run na ka bynta ban khur jingjop ha ka SCA Second Division Cricket League ha ka sngi Ba-ar.
Ha kane ka jingïakhun kaba la long ha madan ïalehkai kriket jong ka MCA kaba ha Polo, ka Lagan 2.0 ka la kam trai ban tied nyngkong, ha kaba ka la kamai 164 run bad shah pynhap 7 wiket ha ki 20 overs. U Sameer Dhanraj u la tied 33 run na ki 12 bol bad u Anuj Kumar u la ïoh 25 run na ki 20 bol. Katba u Subham Mishra bad u Kumar Chettri ki la khur mar shi wiket na ka bynta ka Metallica.
Haba wan beh ïa ka thong, ka Metallica Rising ka la shah pynkhyllem baroh ki nongtied bad ban kamai tang 154 run ha ki 19.1 over. U Rajiv Thakuri u la tied 44 run na ki 24 bol bad u Babul Doley u la ïoh 31 run na ki 20 bol. Katba u Aniket Kumar u la khur 2 wiket bad ïa ka shi wiket la khur da u Santosh Kumar. Ïa ka nam Player of the Match la khur da u Anuj Kumar, uba la tied 25 run bad shim 1 wiket.
Haba phai sha kawei pat ka jingïakhun kaba ar, ka Cluster CC ka la jop da 52 run ïa ka Sanmer. Ka Cluster kaba la shimti ban tied nyngkong, ka la kamai 199 run bad shah pynhap 8 wiket ha ki 20 over. U Md Sameer u la khyrwit ïa ka shiteng spah kaba 56 run na ki 36 bol bad u Basant Chettri u la ïoh 46 run na ki 21 bol. Katba u Marken R Kharkongor u la khur 3 wiket bad ïa ki 2 wiket la khur da u Hubert Shanpru.
Haba wan beh ïa ka thong ka Sanmer ka la kamai tang 147 run bad shah pynhap 9 wiket ha ki 17.3 over. U Bor u la tied 40 run na ki 23 bol bad u Damanbha Roini u la ïoh 23 run na ki 13 bol. Katba u Azad Qureshi u la khur 4 wiket bad ïa ka 1 wiket la khur da u Basant Chettri.
