Shillong, K’Lyngkot 06
Ka lympung ïalehkai SCA First Division Cricket League 2025-26 ka la nangjam shaphrang ha kaba ka Malki XI ka la pynliem noh ïa ka MLP da 82 run ha ka sngi Ba-ar.
Ha kane ka jingïakhun, ka Malki XI ka la kam trai ban tied nyngkong ha kaba ka la kamai 183 run bad shah pynhap 10 wiket ha ki 38.5 over. U Junjun Sanghma u la tied 46 run na ki 39 bol bad u Nick Dann u la ïoh 43 run na ki 52 bol. Katba u Alvin Bamon u la khur 3 wiket bad ïa ki 2 wiket la khur da u Pankaj Roy.
Haba wan beh ïa ka thong ka MLP ka la kamai tang 101 run bad shah pynhap 10 wiket ha ki 27.5 over. U Wellmanson Passah u la khur 4 wiket bad ïa ki 3 wiket la khur da u Deibormi Rangad, uba la ïohpdiang ruh ïa ka nam Player of the Match.
