Shillong, K’Lyngkot 06
Ka Umkseh SC bad ka Nongspung AYSCSA ki la khur jingjop ha ka lympung ïalehkai First Division Football Tournament ba la pynïaid da ka Tyrsad Area Sports Association, ha ka sngi Ba-ar.
Ha kane ka jingïakhun kaba la long ha madan Mawlum kaba ha Tyrsad, ka Umkseh SC ka la pynliem noh ïa ka Thaiñthynroh SC da 2-0 kol. Ïa kine la thep da u Dibasstar Rani ha ka minit kaba 11 bad kawei pat la ïarap pynthep da ka Thaiñthynroh ha ka minit kaba 83 jong ka kylla miet.
Haba phai sha kawei pat ka jingïakhun kaba ar, ka Nongspung AYSCSA ka la jop da 3-0 kol ïa ka Wahlyngkien Sunei SC. Ïa kine la thep da u Johndonial Nongspung ha ka minit kaba 9, kumjuh u Firstwelson Syiemlieh (57) bad u Lansteward Syiemlieh (80).
Kane ka lympung kan bteng biang ha 10 tarik (sngi Saitjaiñ) kan long hapdeng ka Mawkynroh SC pyrshah ïa ka Mawponghong SC ha ka por 11:30 mynstep, katba ka Mawdngong SC ïa ka Rangshangkham SC ha ka por 2 baje nohphai sngi.
