Shillong, K’Lyngkot 07
Ka lympung ïalehkai First Division Cricket League 2025-26 ba la pynïaid da ka Shillong Cricket Association ka la nangjam shaphrang ha kaba ka Winds ka la bteng biang ïa ka jingjop, hadien ba ka la pynliem noh ïa ka Lawsohtun da 28 run ha ka sngi Balang.
Ha kane ka jingïakhun kaba la long ha ïalehkai kriket jong ka MCA ha Polo, ka Winds ka la kam trai ban tied nyngkong ha kaba ka la kamai 175 run bad shah pynhap 10 wiket ha ki 38.4 over. U Kenny Waan u la khyrwit ïa ka shiteng spah kaba 56 run na ki 86 bol bad u Aditya Mahala u la ïoh 31 run na ki 47 bol. Katba u Hilarious Thaba u la khur 3 wiket bad ïa ki 2 wiket la khur da u Klostar Ding Lyngdoh.
Haba wan shimti ïa ka pali kaba ar, ka Lawsohtun ka la kamai tang 147 run hadien ba ka la shah pynkhyllem baroh ki nongtied ha ki 32.2 over. U Great Lyngdoh u la tied 48 run na ki 51 bol bad u Kynsai Lyngdoh u la ïoh 28 run na ki 50 bol. Katba u Kenny Waan u la khur 5 wiket bad ïa ki 2 wiket la khur da u Sudhir Choudhary. U Kenny Waan u la khur ïa ka nam Player of the Match.
