Shillong, K’Lyngkot 07
Ka lympung ïalehkai Maw -lai Games & Literary Fest ka la nangjam shaphrang ha ka sngi kaba saw ha kaba la sakhi ïa bun ki jait jingïalehkai kiba kynthup ïa ka Arm Wrestling, Athle -tics, Bad-minton, Boxing, Football 2nd Round bad ka Quiz Competition ha ka sngi Balang.
Ha ka jingïakhun kti ne Arm Wrestling bad ka Athletics, la lah ban pyndep lut hynnin ka sngi ha kaba ka Mawlai Umthlong ka la long ka shnong kaba la khur ïa ka nam lahduh ha ka Arm Wrestling ha kaba ka la ïoh 5 tylli ki takma ksiar, 2 tylli ki takma rupa bad kawei ka takma rnong, katba ka shnong Mawlai Kynton Massar ka la long ka lahduh ha ka Athletics ha kaba ka la khur haduh 16 ki takma, ksiar 7 tylli ki takma rupa bad 9 tylli ki takma rnong.
Ha ka Badminton bad Boxing la lah ban pyndep lut ïa baroh ki wat jingïakhun, katba ïa ka semi final bad ka final jong kine ki ar tylli ki jingïalehkai yn pynlong mynta ka sngi Palei.
Ha ka Football, la lah ban pyndep ïa ki jingïa-lehkai jong ka wat kaba ar bad ka quarter final kan long mynta ka sngi Palei ha kaba ka Umshing kan ïakhun pyrshah ïa ka Mawïong Umja-pung, ka Nongpdeng pyrshah ïa ka Nongkwar, ka Umthlong ïa ka Mawdat-baki bad ka Mawsiatkhnam ïa ka Syllaikariah.
Ha ka jingïakop kyntip ne quiz jong ka Category ‘A’ bad Category ‘B’ la rah da ka shnong Umjaïur bad ka Umthlong.
