Shillong, K’Lyngkot 07
Ka Pay For Right Football Academy (PFRFA) ka la bteng ïa ka jingjop kaba ar ha ka lympung ïalehkai Women’s Football League 2026 ba la pynïaid da ka Shillong Sports Association (SSA), hadien ba ka la pynjem khnap haduh 12-1 kol ïa ka Lawsohtun SC ha ka sngi Balang.
Ha kane ka jingïakhun kaba la long ha SSA Stadium kaba ha First Ground Polo, ka Ridalin Suting bad ka Nisilia Majaw ki la khur mar kawei ka hat-trick. Ka Ridalin ka la thep saw kol ha ka minit kaba 5, 22, 34 & 67, katba ka Nisilia kala thep lai kol ha ka minit ba 3, 10 & 42.
Ïa kiwei pat ki kol la thep da ka Aitihun Majaw (32 & 53), kumjuh ka Makrisha Songthiang (36), Phibanda M Nongrum (58) bad ka BariKor Kurbah (64).
Lyngba kane ka jingjop kaba ar, ka PFR ka dangïoh ban lamkhmat ha ka Group-B ha kaba ka la kamai 6 point. Ïa ka kyrdan ba-ar la bat da ka Lumparing, katba ka Mawkasiang, Lawei bad ka Lawsohtun ki danglong ki kynhun kiba dangshah rem.
Ki jingïalehkai ha ka sngi Palei kin long hapdeng ka Nongrim hills SC pyrshah ïa ka New Challenger SC ha ka por 10:30 mynstep, kumjuh ka Mawkasiang SC ïa ka Lawei SC ha ka por 12:30 bad ka Mawshubuit SC ïa ka Laitkor SC ha ka por 2:30 nohphai sngi.
