Shillong, K’Lyngkot 07
Ka Meghalaya Athletics Association (MAA) ha ryngkat ka jingkyrshan lang bad ka tnat ïalehkai ka Sorkar Jylla, kan pynlong ïa ka prokram jied nongïalehkai (trial) ka ban long ha ka 12 tarik mynta u bnai ha SAI Training Centre kaba ha NEHU, Shillong ha ka por 8 baje mynstep.
Kat kum ka kyrwoh ba la pyllait da ka Kong Daisy Marweiñ, Sr. Joint Secretary katei ka synjuk, la ong ba ka jingpynlong ïa katei ka prokram ka long ban jied ïa ki nongïalehkai ki ban mihkhmat ïa ka Jylla sha ka 1st Khelo India Tribal Games 2026.
