Shillong, K’Lyngkot 09
Ka lympung ïalehkai Cricket League C Division Pre Quarter ba la pynlong da ka Shillong Cricket Association 2026 ha ka 09 tarik Kyllalyngkot 2026 ka Youngstar CC ka ïakhun pyrshah ïa ka Rising CC. Ha ka jingkynting pisa la ïoh kam trai da ka Rising CC, kaba la jied ban kawang bol nyngkong ha ka jingïalehkai.
Ka Youngstar CC ka la ïoh 201 ron na 5 wiket bad na ki 20 over.
Ki nongtied ba kynsai ki long, u Gautam Paul u la kamai 55 ron na ki 38 bol bad u Aarav Baraily da 26 ron na ki 18 bol. Katba na ka liang ki nongkawang bol u Suraj Gupta ha ki 4 over, u la khur 2 wiket, bad u Tarique u la ïoh shi wiket.
Katba ka Rising CC haba beh ïa ka thong ka la ïoh tang 159 ron na ki 10 wiket ha ki 18.4 over.
U Md Azhar u la ïoh 26 ron bad u Altaf kumjuh 26 ron kiba la long ki nongtied ba kham lah ban lehkai bha. Katba u Ayush u la khur 3 wiket bad u Asik Alam 2 wiket.
Ka Youngstar CC ka la jop ha kane ka jingïakhun 42 ron bad ïa ka nam ‘Player of the match’ la ïoh da u Aarav Baraily.
Ha kane ka juh ka lympung kata ka Cricket League C Division Pre Quarter ha kawei pat ka jingïalehkai ka la long hapdeng ka Meghalaya Media United pyrshah ïa ka NAWS CC.
Ka NAWS CC ka la ïoh kam trai ha kaba kynting pisa, bad ka la tied nyngkong. Ka la lah ban kamai 160 ron na ki 10 wiket ha ki 20 over.
U Manas Haldar u la kamai 50 bad u Balaji 28 ron ki long kiba kham kongsan. Katba ki nongkawang bol u Rakrik B Marak u la khur 3 wiket bad u Siddhant kumjuh u la ïoh pynhap 3 wiket.
Ka Meghalaya Media United ka la ïoh 151 ron. U Dinesh Renthlei u la kamai 33 ron bad u Rakrik B Marak 30. Katba u Akhil Das u la ïoh 2 wiket bad u Balaji kumjuh u la ïoh pynhap 2 wiket.
Ka NAWS CC ka la jop noh da 9 ron ïa ka Meghalaya Media United.
Ïa ka nam ‘Player of the match’ la ïoh da u Balaji uba la kamai 28 ron bad ïoh khur ruh 2 tylli ki wiket.
