Shillong, K’Lyngkot 11
Ka MLP ka la pynliem noh ïa ka NWCC da 2 wiket na ka bynta ban khur jingjop ha ka First Division Cricket League ba la pynïaid da ka Shillong Cricket Association 2026.
Ha kane ka jingïakhun kaba la long ha madan jong ka MCA ha Polo ha ka sngi U Blei, ka NWCC ka la kam trai ban tied nyngkong, ha kaba la la kamai 120 run bad shah pynhap 10 wiket ha ki 28.3 over. U Arvind Kumar u la tied 29 run na ki 43 bol. Katba u Ganesh Sahani u la khur 3 wiket bad ïa ki 2 wiket la khur da u Alvin Bamon na ka bynta ka MLP.
Haba wan shimti ïa ka pali kaba ar, ka MLP ka la lah ban kynjoh sha ka thong da kaba kamai 121 run bad shah pynhap 8 wiket ha ki 23.3 over. U Ranjit Roy u la tied 34 run na ki 27 bol bad u Kamal Thapa u la ïoh 27 run na ki 57 bol. Katba u Rahul Barua u la khur 5 wiket bad ïa ki 2 wiket la khur da u Sunil Singh Shekhawat. Ïa ka nam Player of the Match la khur da u Ganesh Sahani uba la tied 13 run bad khur 3 wiket.
