U Jisu kum u briew (I – Tim 2 : 5)bad kum u nonghikai uba khraw tam. U Jisu u la sdang te ban ïalap ha ki synagog jong ki kylleng sawdong ka Galilaia baroh, u la beh noh de ïa ki ksuid (Markos 1 : 39). Te ula leit pat hapoh ka synagog bad la don hangta u briew uba la iap ka kti. Te ki la ïa ap thap ïa u lada un pynkhiah ha ka sngi Sabbaton ba kin ioh kem daw ïa u. Ha ka sngi kaba hynñiew ka long ka Sabbaton ïa u Trai u Blei jongme. Hangne ngi sngewthuh ba ka sngi sabbaton ka long shisha ka sngi shong sngi ha ka por u Jisu. Kumta ka ktien u Blei ka ong, kynmaw ïa ka sngi sabbaton ban rakhe khuid ïa ka. Katba ha ki riewngeit khristan mynta kim treh ban shong-sngi ha ka sngi Sabbaton, ki shong sngi ha ka sngi Sunday kaba long ka sngi kha jong uta u Blei sngi (Sun God) kaba la shu pynkylla da u briew. Haba pule ïa ka Baibl phin shem ba bun ki khristan mynta kim ngeit ïa kaei ba la thoh ha ka Bible ki ngeit ha la ka mon la jong ba pynbeit da u briew. Kum ka nuksa haba pynbaptis um malu mala. Hynrei ki balang mynta ki don kiba shu synreit khlem da pynngam hapoh um kumba thoh ha ka Baibl. Kumta ka jingngeit khristan mynta ka la sting thew bad kam ïahap shuh bad kaei kaba la thoh ha ka Baibl kaba la ñiew kum, ka kot Bakhuid (Holy Book). Dei kumne ba ka ktien u Blei ka ong. Kine ki briew ki burom ïa nga da la ki rmiang shyntur, hynrei ki mane thala ïanga haba ki hikai ki jinghikai ïa ki hukum jong ki briew.
C. B. Iawphniaw
