Shillong, K’Lyngkot 12
Ka ‘thei ïalehkai phutbol ka Jylla, ka Sanfida Nongrum ka la don hapoh ka thup ki 29 ngut ki ‘thei ïalehkai ka ri India ki ban leit sha Türkiye na ka bynta ki lai tylli ki jingïalehkai paralok kaba long shi bynta jong ka jingpynkhreh ïa ka AFC Women’s Asian Cup Australia 2026.
Ka Sanfida ka la don lang bad katei ka kynhun, ka la sdang ïa ka jingkilanmet ha ka lah sngi U Blei ha Gurugram, Haryana bad ka ban kut haduh 14 tarik mynta u bnai. Ha ka sngi kaba bud kata ha ka 15 tarik kin mih ban leit sha Antalya, Türkiye.
Ha katei ka jingïalehkai paralok, ka India kan ïakhun nyngkong pyrshah ïa ka FC Metalist 1925 Kharkiv (Ukraine) ha ka 18 tarik mynta u bnai, kumjuh ïa ka FC Zürich Frauen (Switzerland) ha ka 21 tarik bad ïa ka FC Schlieren (Switzerland) ha ka 24 tarik mynta u bnai.
Lah ban kdew kane kan long ka sien kaba nyngkong eh ba ka Sanfida kan ïoh rung hapoh ka kynhun ïalehkai (senior) jong ka ri India bad kan long ka jingsarong ïa ka Jylla hi baroh kawei.
Haba phai khyndiat shaphang ka jingïaid ka Sanfida ha ka kam ïalehkai, ka la sdang ban paw napoh ka Jylla ha kaba hadien ka la ïasoh bad ki klob shabar Jylla bad mynta ka la ïalehkai na ka Garhwal FC kaba na Delhi ryngkat bad ka Fragrancy Riwan.
Ki 29 ngut ki ‘thei ïalehkai ka ri India na ka bynta ki jing-ïalehkai paralok
Goalkeeper: Elangbam Panthoi Chanu, Sowmiya Narayanasamy, Shreya Hooda & Adrija Sarkhel.
Defender: Sweety Devi Ngangbam, Shilky Devi Hemam, Juli Kishan, Nirmala Devi Phanjou -bam, Sanju, Malati Munda, Astam Oraon, Sarita Yumnam, Sushmita Lepcha & Martina Thokchom.
Midfielder: Sangita Basfore, Babina Devi Lisham, Priyadhar -shini Selladurai, Anju Tamang, Karthika Angamuthu, Jasoda Munda & Sanfida Nongrum.
Forward: Grace Dangmei, Soumya Guguloth, Karishma Shir-voikar, Rimpa Haldar, Malavika P, Pyari Xaxa, Lynda Kom Serto & Kaviya Pakkirisamy.
