Shillong, K’Lyngkot 13
Ka United Xl ka la pynliem noh ïa ka NWCC da 143 run na ka bynta ban khur ïa ka jingjop ha ka First Division Cricket League 2026 ba la pynïaid da ka Shillong Cricket Association (SCA) ha ka sngi Ba-ar.
Ha kane ka jingïakhun kaba la long ha madan MCA kaba ha Polo, ka United Xl ka la kam trai ban tied nyngkong ha kaba ka la kamai 225 run bad shah pynhap 9 wiket ha ki 36.4 over. U Ganeshstar Syiem u la khyrwit ïa ka shiteng spah kaba 82 run na ki 59 bol bad u Bijon Dey u la ïoh 77 run na ki 89 bol. Katba u Sunil Singh Shekhawat u la khur 3 wiket bad ïa ki 2 wiket la khur da u Vinod na ka bynta ka NWCC.
Haba wan beh ïa ka thong ki nongkawang bol ka United ki la lah ban ïalehkai bha kat ban pynkhyllem baroh ki nongtied ka NWCC bad ban kamai tang 82 run ha ki 21.3 over. U Arvind Kumar u la tied 25 run na ki 45 bol bad u Vinod u la ïoh 13 run na ki 7 bol. Katba u Ashish Prasad u la khur 5 wiket bad ïa ki 3 wiket la khur da u Navin Kumar Ray. Ïa ka nam Player of the Match la khur da u Bijon Dey, uba la khur 1 wiket bad tied 77 run.
