Ki nongthoh bad ki pharisi ki long hi kum ki nongïalam niam ne balang mynta. Kine ki pynïaid ïa ki balang ki long ki briew kiba buh jingeh hakhmat ki briew. Namar ki ieit ïa ki jaka ba donnam ha ki jingkhawai bad ki jaka shong ba kor tam na synagog ne ïingmane.
Kine ki long kiba arsap naba ki bam duh ïa ki ïing ki riew kynthei bad ki da duwai jlan ban ym paw ki kam bymman jong ki. Kine ki khang ïa ki hima ki bneng ha khmat ki briew. Ki iaid sawdong ïa ka duriaw bad ïa ka ryngkew bad leit pynkylla niam ïa ki briew. Ki leh khuid bha haba paw shabar katba napoh ki long kiba dap ka lut bad khwan myntoi. Ki pynkhuid ïa ki lum jingtep kum kiba smat eh hynrei shapoh ki long kiba arsap ki khwan myntoi ïa lade bad ki bam duh ïa kiba duk ba rangli. Ki hukum ban ai jingkynshew ha ki balang ban ioh ïa ka hok ha khmat u Blei.
Ki da pynitynnad ïa kaba shabar hynrei shapoh dap da ki shyieng jong kiba ïap. Bun ki nongïalap niam kiba ong Ah Trai Ah Trai ngi ngim shym ïalap ïa ka kyrteng jong me, ngi ngim shym la beh noh ïa ki ksuid ha ka kyrteng jong me, ngi ngim shym la leh shibun ki kam bah ruh na ka kyrteng jong me. Hynrei U Trai un ong ha ki, ngam ju la ithuh ïaphi, khie leit noh na nga phi kiba ki trei bymman (Math 7 : 22).
Ka ktien u Blei ka ong, ym don u briew uba ong ha nga Ah Trai Ah Trai u ban ioh leit hapoh ka hima ki bneng (Mt 7 : 21). Ka kam ïalap niam kam dei ka kam pynbha ïa ki briew hynrei ka dei ka kam bylla ïalade.
C. B. Iawphniaw
