Shillong, K’Lyngkot 14
Ka Lawsohtun ka la khur jingjop ha ka First Division Cricket League 2026 ba la pynïaid da ka Shillong Cricket Association (SCA) hadien ba ka la pynliem noh ïa ka Metallica CC da 2 wiket ha ka sngi Balang.
Ha kane ka jingïakhun kaba ka long ha madan jong ka MCA ha Polo, ka Metallica ka la kam trai ba kan tied nyngkong ha kaba ka la kamai 155 run bad shah pynkhyllem baroh ki nongtied ha ki 39.2 over. U Nikhil Thapa u la tied 44 run na ki 63 bol. Katba u Klostar Lyngdoh bad u Edmund Dhar ki la khur mar 3 wiket na ka bynta ka Lawsohtun.
Haba wan shimti ïa ka pali kaba ar, ka Lawsohtun ka la lah ban kynjoh sha ka thong da kaba kamai 156 run bad shah pynhap 8 wiket ha ki 29.4 over. U Klostar Lyngdoh u la tied 41 run na ki 38 bol bad u Kynsaibor Lyngkhoi u la ïoh 31 run na ki 30 bol. Katba u Dipayan Nandi u la khur 3 wiket na ka bynta ka Metallica. Ïa ka nam Player of the Match la khur da u Klostar Lyngdoh, uba la tied 41 run bad shim 3 wiket.
