Jowai, K’Lyngkot 18
U myntri ka tnad Sports & Youth Affairs ka sorkar Jylla Ma Wailadmiki Shylla ha ka janmiet 17 tarik Kyllalyngkot u la pynhap pyrda noh ïa ka jingïalehkai Knock-Out Basketball Tournament 2025-2026 ba la pynlong da ka NPP Loompyrdi Iongpiah Unit.
Ïa kane ka jingïalehkai halor ka phang ‘The Choice you make today, shape your tomorrow’ la pynlong ha madan ïalehkai basketball Loompyrdi Iongpiah, Jowai.
Ha ka jingkren u Ma Wailadmiki Shylla ula pynbna ban pynbha pynmiat ïa ka madan ïalehkai basketball ka Loompyrdi Iongpiah naduh ban bujli ïa ki Basketball Post da kaba buh da ki fiberglass, ban pynieng ïa ki Flood Light khnang ba yn lah ban pynlong ïa ki jingïalehkai wat ha ka por mynmiet.
Nalor u myntri la donlang ruh Assistant Director, Sports & Youth Affairs bad District Sports Officer (DSO), West Jaintia Hills Ma Khroobok Passah nalor kiwei kiwei.
U Ma Wailadmiki Shylla ula shim bynta ruh ha ka jingïalehkai Friendly Match hapdeng ka kynhun jong u pyrshah ïa ka Loompyrdi Iongpiah.
Haba phai sha ka jingïalehkai phainal Knockout Basketball Tournament, ha ka liang ki kynthei ka DREAM Team ka la long ka lahduh da kaba pynrem ïa ka Loompyrdi Iongphiah da 52-09 baskets. Katba ha ka liang ki shynrang ka Ladthadlaboh da jop ïa ka Mookyrdup da 75-73 baskets.
