Islamabad, K’lyngkot:
U Myntri Rangbahduh ka Pakistan, u Shehbaz Sharif, ha ka Sngi Thohdieng u la ong ba ka Pakistan ka la kut jingmut ban ratdyngkhong noh ia ki kam thombor jong ki lehnoh hapoh ka ri, da kaba ong ruh ba ia kum kine ki kam sniew bad kam thombor yn bret lut baroh sha ka duriaw ‘Indian Ocean’.
“Ngi kut jingmut ban jop ia ki kam lehnoh, bad da ka jingkyrshan jong ki paidbah, ngin bret ia ki sha Indian Ocean,” u la ong.
U la ong ba ki lehnoh ki ju ioh jingkyrshan na ki nongshun jong ka Pakistan bad kadei kane kaba pynsniew dur ia ka ri bad kaba pynbud-nam ruh ia ka ri ha ka jingbishar jong kiwei pat kiba na bar.
Haba kdew ba palat 10000 ngut ki nong Pakistan ki la shah pyniap namar ki kam lehnoh, u Shehbaz u la ong ba ki ri ka pyrthei ki dei ban pdiang ia ka jingaiti kaba khraw jong ka Pakistan.
U la ong ruh ba ka Pakistan ka la pyni ia ka bor ha u Jymmang 2025 ha ka jingiakhun kaba saw sngi bad ka India.
U Shehbaz u la ong ba ka Pakistan ka la shah kyrkhu da ki spah mariang kiba heh bha kiba shongdor da ki trillion dollar, kiba lada wad bha, ki lah ban iarap ban weng ia ki jingeh kum ka jingduk bad ka jingbym don kam don jam. U la ong lada ngi pyndonkam ia ki spah ba la buhrieh, ki jingeh jong ngi baroh kin kut noh.
Ia kane ka komiti kaba kynthup ia ki lyngdoh niam la thaw ha u snem ba la dep ban ialeh pyrshah ia ki kam lehnoh, ka jingkren bein, ki kam lehnoh bad ka jingsngewpher niam ha ka ri. Ka la pynrem jur ïa ka Tehreek-e-Taliban Pakistan bad kumjuh ruh ïa ka Afghan Taliban, da kaba pynksan ba ki kam lehnoh kim don nongrim satia ha kano kano ka jinglong jingman.
U PM Shehbaz u kyrmen ba kane ka komiti kan don ka bynta kaba kongsan ha kaba pynkhlain ia ka jingiathuhkhana jong ka ri pyrshah ia ki kam lehnoh bad ki kam lehnoh.
