Nongstoiñ, K’Lyngkot 19
U General Secretary ka Nongstoiñ District Sports Association ( NDSA) u Bah Mt. Gordon Marngar u la ong ba ka jingbym lah jong ka synjuk ban pynlong ïa ka lympung ïalehkai ka dei namar ka jingduna ha ka liang ka pisa.
Kane ka la wan hadien ba ka Synjuk kam shym la lah ban pynlong ïa ka lympung ïalehkai phutbol ha u snem ba la lah bad ruh dangshen na ka liang ka Sports Committee jong ka KSU West Khasi Hills ka la hap ban tuklar na ka daw ka jingujor da ki rangïalehkai lem bad ki katto katne ki klob.
Haba ïakren bad u nongthoh khubor, u Bah Marngar ha ryngkat u President u Bah B.S.Kharlor ki la pynpaw ïa ka jingsngewkhia halor kane ka bym lah ban pynlong ïa katei ka lympung. U Bah Kharlor u la ong ban na ka liang jong u , u la ong ba shen un sa lum noh ïa ka jingïalang na ka bynta ban ïakren ïa kane ka bynta.
Lah ban kdew ba na ka liang ka KSU ka la pynpaw ïa ka jingsngewkhia kaba jur hadien ka jingïoh ïa ka jingujor na ki rangïalehkai bad ki kynhun kiba hap hapoh ka NDSA ïa ka jingbym lah ka jong ka ban pynlong ïa ka lympung ïalehkai jong u snem 2025.
Shuh shuh ki nongïalam ka KSU West Khasi Hills ki la ong ba ka KSU, ka kwah ba na ka liang ka NDSA kan shim khia ïa kane ka bynta namar kumba la ngewthuh ba kiba bun ki rangïalehkai kiba don ïa ki sap ïalehkai ki duh jingmyntoi na ka daw jong ka jingbym lah ban pynlong ïa ka kane ka lympung.
