Shillong, K’Lyngkot 19
Ki ar ngut ki nongïalehkai karate barim ka Jylla kata u Bah Banshanlang Kharumnuid bad u Bah Donboklang Lyngdoh ki la khur ïa ki takma ksiar bad rupa jong ki, ha ka jingïashim bynta ka rynsan ïakhun jong ka 13th JKA India Veteran Tournament 2026, kaba la long ha Maligaon, Assam.
Ha kane ka jingïakhun na ka liang u Bah Banshanlang u la khur ïa ka takma ksiar ha ka kyrdan ïakhun jong kiba 40-50 snem ha ka jingïalehkai Kata.
Katba na ka liang ka Bah Donboklang pat u la ïoh ban khur artylli ki takma, ka takma ksiar ha ka kyrdan ïakhun jong ka Kumite bad ka takma rupa ha ka kyrdan ïakhun jong ka Kata jong kiba 50-55 snem ka rta.
Kane ka jingïoh khur takma kine ki arngut, ka jia long ba ha ki sngi bad ki por mynba ki dangkhie dangsan ka jingim ïalehkai ka jong ki, ki dei shisha ki rangïalehkai karate kiba snar bad ba la bna nam bha ka nam ka kyrteng ïalehkai jong ki kaba wat uba hap ban kiew rynsan ban ïakhun pyrshah ïa ki u da hap ban pyrkhat arsien ïa kaei ka ban jia haba ïakhun pyrshah ïa ki.
