Shillong, K’Lyngkot 19
Ki khynnah ïalehkai ka Jylla hapoh ka lama jong ka Meghalaya Gymnastics Association (MGA) ki la lah ban pynpaw ïa ka jingtbit ha ka lympung ïalehkai National School Games Artistic Gymnas-tics Championship 2025-26 ba la pynïaid da ka School Games Federation of India (SGFI) naduh 15 haduh 17 tarik mynta u bnai ha Sports Authority of India, Salt Lake Stadium kaba ha Kolkata.
Watla kine ki khynnah kim shym la lah ban khur jingjop, pynban ki la lah ban pyni ïa ki sap ïalehkai hakhmat kiwei pat ki khynnah ïalehkai jong ka ri.
Kine ki khynnah kiba la ïoh ban leit shim bynta ki long ka Bakmenhun Shangpliang, Sa-i Bakor K. Tariang, Raffellia Mal-ngiang, Wansuk Mery Su-sngi, Wansaphi Bernadet-te Malngiang bad ka Athilia Susngi. Ïa kane ka kynhun la ïalam da ka coach Kong Idalin Mal-ngiang, ha kaba la synran lang da ka Lucy Mary Malngiang kum ka Manager.
Na ka liang katei ka synjuk ka la pynpaw ka jingai khublei ïa u Director ka tnat ïalehkai jong ka Sorkar Jylla halor ka jingshim khia ban pynurlong na ka bynta ban plie lad ïa katei ka kynhun ïalehkai Under-17.
