Shillong, K’Lyngkot 19
Ka kynhun ïalehkai phutbol ka Jylla ka la mih na ka nongbah ban leit shim bynta ha ka wat kaba khatduh jong ka 79th Senior Men’s National Football Championship na ka bynta ka Santosh Trophy 2025-26, ka ban long ha Silapathar Assam.
Kane ka kynhun hapoh ka jingïalam u Bah Khlaiñ Pyrkhat Syiemlieh ka la don ha ka Group-B kaba kynthup lang ïa ki kynhun kiba khlaiñ bor bad kiba la bat teng ïa ka nam lahduh kum ka Kerala, Services, Punjab, Odisha bad ka Railways.
Te kumta ka Meghalaya kan sdang ïa ka jingïalehkai kaba nyngkong pyrshah ïa ka Odisha ha ka 22 tarik (sngi Palei), kumjuh ïa ka Punjab ha ka 24 tarik, Services ha ka 26 tarik bad ïa ka Kerala ha ka 29 tarik.
Hashwa ba katei ka kynhun kan mih na ka nongbah, na ka liang u Coach u pynpaw ba kum ka kynhun ka la ïoh bun bha ka por ban pynkhreh, hynrei ka jingeh ka long ba kum ka kynhun ka la duh noh ïa kumba 3 ngut ki rangïalehkai kiba la leit ïasoh sha kiwei pat ki klob kiba na shabar jylla bad kumba 6 ngut ki don bad ka Nongkseh, kaba dangdon hapdeng ka jingpynkhreh na ka bynta ka jingïakhun final jong ka 11th All India Chief Minister’s Gold Cup International Football Tourna-ment ha Sikkim.
Hashwa ba kane ka kynhun kan mih na ka nongbah, na ka liang ki nongïalam ka Meghalaya Football Association ha ryngkat ka jingdonlang u President u Bah Hamletson Dohling, kumjuh u Vice President Bah Cliff Nongrum bad kiwei ki la ai khublei kitbok ïa katei ka kynhun ba kan lah ban lehkai bha ha katei ka lympung.
Ki Kyrteng ki rangïalehkai ki long u Rajat Paul Lyngdoh, Banshan-skhem Kharsyntiew, Nister Roy Suting, Wanboklang Lyngkhoi, Apborlang Kurbah, Wilbert D Marbaniang, Ïohborlang L. Lyngkhoi, Mebanaibok Kharbudnah, Richie Kharbani, Mebankhraw K. Wahlang, Rimankhraw Kharum-nuid, Riborlang L Lyngkhoi, Baby-sunday Marngar, Dibormi Kassar, Mebanshngain Kurkalang, Fairming Suting, Robertson M Khongriah, Hardy Cliff Nongbri, Kynsaibor Lhuid, Marbiangki Suchiang, Deibor -mame Tongper, Dawanchwa C Challam. Katba ki nongïarap ki long u Bah Khlaiñ Pyrkhat Syiemlieh (Head Coach), Sailon Syngkrem (Assistant Coach), Dious Lapasam (Manager) & Wanbokstar Syiemiong (Physio).
