Shillong, K’Lyngkot 19
Uwei u runar ba kyrteng u Pynkloide ba ju khot sin u Deibor Phyrnge, ula shah rai set phatok haduh 10 snem namar ka jingdonkti ban leh beijot ïa i khynnah rit ha u snem 2024.
Ka jingtohkit ba la khlieh da ka WPI O Tyngkan, halor ka ejahar bala mudui ha thanad Khliehriat ha ka 9 tarik Risaw, 2024, kala shem ba u Pynkloide ula leh ïa kane ka kam bymman.
Ka ïingbishar Special Judge (POSCO) ka East Jaiñtia Hills, kala hukum ban set phatok ba 3 snem bad ka kuna ba T.5000 hapoh ka kyndon 3(a)/4 jong ka POCSO Act.
Nalor kane, la hukum ban set ïa u 10 snem ha phatok bad ka kuna ba T.10,000 hapoh ka kyndon 4(1) jong ka POCSO Act.
