Shillong, K’Lyngkot 20
Ka Donkins CC ka la pynliem noh ïa ka Winds da 61 run na ka bynta ban khur jingjop ha ka lympung ïalehkai First Division Cricket League 2026 ba la pynïaid da ka Shillong Cricket Association (SCA) ha ka sngi Ba-ar.
Ha kane ka jingïakhun kaba long ha madan MCA kaba ha Polo, ka Donkins ka la shimti ban tied nyng-kong ha kaba ka la kamai 167 run bad shah pynhap baroh ki nongtied ha ki 37.5 over. U Agreas Cham Cham u la tied 31 run na ki 35 bol bad u Rohit Raii u la ïoh 30 run na ki 40 bol.
Haba wan beh ïa ka thong, ki nongtied ka Winds ki la shah pynhap baroh ha ki 25.2 over bad kamai tang 106 run. U Robin Chettri u la tied 35 run na ki 35 bol bad u Aditya Mahala u la ïoh 33 run na ki 49 bol.
