Shillong, K’Lyngkot 20
Ha ka sien jam kaba nyng -kong eh ban kyntiew ïa ka phutbol ha ka thaiñ Shatei Lam-Mihngi la soi ïa ka soskular hapdeng ki synjuk ïalehkai phutbol jong ka thaiñ Shatei Lam-Mihngi bad ka kompeni na Japan ka Bestserv Inc. ha ka sngi Ba-ar ha Kiran Shree Grand Guwahati, Assam.
Kane ka lympung ka thmu ban pynlong ïa ka lympung ïalehkai na ka bynta ki nongïaleh -kai jong kane ka thaiñ ha ryngkat ka jingkyrshan lang da ki synjuk ïalehkai jong ki jylla bapher bapher ka thaiñ Shatei Lam-Mihngi. Kane ka jingthmu ka dei ka sien jam kaba kongsan ban pynkhlaiñ ïa ka rukom jingïalehkai phutbol bad ban thaw ïa ki lad ki lynti na ka bynta ki sap ba kyrpang jong kane ka thaiñ.
Ha katei ka jingïalang la ïadon lang u Luis Nakawa, Chairman bad u Josef Kovac, Manager ka International Development jong ka Bestserv Inc., lem bad ki nongmihkhmat na baroh ki phra tylli ki synjuk ïalehkai jong ka Thaiñ Shatei Lam-Mihngi.
Kane ka jingïatrei-lang ka long kaba kong-san ban kyntiew shibun ïa ka phutbol ha kylleng jong ka Thaiñ Shatei Lam-Mihngi. Ka Northeast Football League kan kyntiew ïa kine ki jingïalehkai, ban pynroi ïa ki sap bad kan ailad ïa ki nongïalehkai ba kin ïakhun ha ki lympung kiba kham heh ki ban long ki jingïarap ban pynkhlaiñ ïa ka phutbol ha ki snem ki ban wan.
