Shillong, K’Lyngkot 22
Ha ka step jong ka 20 tarik mynta u bnai, ki ar ngut ki nongñiah arshaka ki la phet bak noh na ka jingtalasi kali kaba la pynlong da ki pulit namar ka jingtieng ïoh shah kem ba ki la leh kam sniew.
Katkum ka khubor kaba la ïoh na ki pulit la ong ba ha katei ka step, ki ar tylli ki arshaka ki la phet bak haba la ïohi ba ka don ka jingtalasi kali jong ki pulit ha surok Amlarem-Pdengshakap ha West Jaiñtia Hills bad ban phet shaphang jong ka thaiñ Pdengshakap.
Ki pulit haba ki la ïohi ïa kane, ki la kthong nadien, ha kaba u nongñiah jong kawei ka arshaka kaba don ïa u registration number ML04-E-1708 u la phet bak bad ieh noh shadien ïa ka arshaka hajan ka shnong Jaralood, katba uwei pat u la ïoh ban phet bak ryngkat bad ka arshaka.
Hadien ba la lap ïa ka arshaka bad ha ka jingtohkit, la lap ba kane ka arshaka ka dei kaba la shah tuh na shnong Ïalong ha West Jaiñtia Hills ha kane hi ka sngi.
