Shillong, K’Lyngkot 23
Ha ka lympung ïalehkai SSA U-14 Football league 2025-26 ha ka 23.01.2026 ki jinglehkai ki long, ha ka ba nyngkong ka Nongrah SC ka la pynliem noh da 3 – 0 kol ïa ka Mawtawar SC ha ka por 9 baje mynstep ha madan SSA Ground. U B.Lyngdoh (27), H.Kharumnuid (35 & 49) ki la ïoh ban thep kol.
Ha ka jinglehkai ba bud ha ka por 10:30 mynstep ka Nongthymmai SC ka la pynliem noh da 2-1 kol ïa ka New Challenger. U Khongjee u la thep shi kol na bynta ka New Challenger ha ka por 60 minit bad C. Warjri (30) bad u W.L. Ngaid (53) na bynta ka Nongthymmai SC.
Ha ka jinglehkai ba lai ka Pynthorbah SC ka la jop da 2-0 kol ïa ka Sohiong SC ha ka por 11:50 mynstep, U B. Sohshang (22) bad N.Hujon (25) ki la long ki nongthepkol.
Bad ha kawei ka jinglehkai ha ka por 1:10 shiteng sngi ka Langsning FC ka la jop kput da 6-0 kol ïa ka Mawlai SC, ki nongthepkol ki long u S.Dkhar (7), u N.Mukhim (22), u D.Syiem- (33, 46 & 53) bad u D.L. Nongbri (51).
Bad ha ka jinglehkai ba khatduh ha kane ka sngi ka Lumshyiap SC ka la jop da 3-0 kol ïa ka Nongkohlew SC ha ka por 2:30 nohphai sngi, ki lai kol ka Lumshyiap SC la thep da u D. Shadap (40), W. Kharbani (44) bad u M. Nongrum (51) (Own Goal by Nongkohlew).
