Nongstoiñ, K’Lyngkot 23
Ha ka sngi Thohdieng jong ka taïew ka Meghalaya Shooting Association Of Meghalaya ha ryngkat ka jingïatreilang bad ka shooting Association Of West Khasi Hills District ka la ïoh ban pynkut bad pynhap pyrda noh ïa ka talent search cum Coaching & Awareness program kaba ar sngi kynthih kaba la ïoh jingïarap lyngba ka CMYDS jong ka sorkar Jylla ha kaba u President ka SAWKH, u Samla D.Sun u la ïoh ban pynhap pyrda.
Ha kane ka program ban wad ïa ki khynnah donsap jong ka thaiñ West Khasi Hills kaba la long ar sngi kynthih kata ha ka 22 haduh 23 tarik u bnai Kyllalyngkot 2026 kaba la pynlong hapoh hall jong ka skul Maw Hermon Academy Secondary school Mawbyrshem New Nongstoin.
Shuh-shuh ha kane ka lympung ha kaba sdang eh ki don haduh 70 ngut ki nongïashimbynta bad hadien ba la jied ïa ki khynnah kiba kham don sap la shim noh tang haduh 43 ngut bad ha ka wat kaba khatduh la ïoh biang ban jied tang ïa kiba kham tbit ha ka jingïa siat suloi kata, air pistol tang 6 ngut kynthei bad shynrang bad ha ka air rifle ka long kumba 24 ngut.
Na ka liang ka synjuk ka ai khublei sha baroh ki nongïashim bynta ha katei ka lympung kiba kynthup ïa ki skul bapher ki College, ki Sports Club ki seng samla na ki shnong bapher bad ruh sha ki nongïalam bad ki nonghikai jong ka Meghalaya Shooting Association kiba la lah ban pyndep ha ban da jop jong katei ka lympung ai jinghikai.
