Shillong, K’Lyngkot 25
Ka Meghalaya bad ka Punjab ki la ïakhaid mar 3-3 kol ha ka jingïalehkai ka Group-B jong ka National Football Championship for the Santosh Trophy 2025-26 ha ka sngi Saitjaiñ ha Dhakuakhana, Assam.
Ïa kine ki lai tylli ki kol ka Meghalaya la thep da u Owanijuh Pajuh (35), Babysunday Marngar (69) bad u Deibormame Tongper (78), katba na ka liang ka Punjab la thep da u Jagdeep Singh (60), Himanshu Jangra (71) bad u Harmanpreet Singh (81).
Ha kaba kut ka kylla kaba ar (seond round) ka Meghalaya ka don ha ka kyrdan kaba ar jong ka miej ïakheiñ poiñ ha kaba ka la ïaryngkat mar 4 poiñ bad ka Kerela, kaba la lamkhmat ha kane ka group. Te kumta ka Meghalaya ka don jingkyrmen ban jam sha ka quarter final namar saw tylli ki kynhun ki ban wan ha ki kyrdan ba shakhmat na kawei pa kawei ka group kin rung ïoh rung sha katei ka wat.
Ka jingïakhun ka ban wan jong ka Meghalaya kan long biang ha ka 27 tarik pyrshah ïa ka kynhun ba khlaiñ bor ka Services, kaba dang-ïoh tang 2 point na ki arsien ïakhun, ka ban long ha Silapathar ha ka por 2 baje nohphai sngi.
