Shillong, K’Lyngkot 27
Ka Shillong Sports Association (SSA) ka la pynlong ïa ka jingïalehkai phutbol paralok pyrshah ïa ka kynhun jong ki Pastor ka Khasi Jaiñtia Presbyterian Assembly ha ka lah sngi U Blei ha SSA Stadium kaba ha First Ground, Polo.
Kane ka lympung ka long shi bynta ban pynmih pisa na ka bynta ka jingtei ïa ka Annexe Building jong ka Dr. H. G. Robert Hospital, Shillong.
Ha katei ka jingïalehkai, ka SSA hapoh ka jingïalam u President Bah Banteidor Lyngdoh, kala khur ïa ka jingjop hadien ba ka la jop da 2-1 kol. Hadien ba la kut ka jingïalehkai, na ka liang u Bah Lyngdoh u la noh synñiang T. 25,000 sha katei ka jaka sumar.
