Nongstoiñ, K’Lyngkot 27
Ka Mawkawah CT ka la pynliem noh ïa ka Tiehsaw CT da 41 run na ka bynta ban khur jingjop ha ka lympung ïalehkai Super Division District Cricket League 2025-2026 ba la pynlong da ka West Khasi Hills District Cricket Association.
Ha ka jingïakhun kaba la long ha ka sngi Ba-ar ha madan Mawrusyiar, ïa ka jingkyntieng pisa la jop da ka Mawkawah ha kaba ka la kam trai ban tied nyngkong bad kamai 183 run hadien ba la shah pynhap 10 wiket ha ki 33.3 over.
Haba wan beh ïa ka thong ka Tiehsaw ka la kamai tang 142 run bad shah pynhap 10 wiket ha ki 29.3 over. U Bamanbha Shangpliang u la khur ïa ka nam Player of the Match.
Na ka liang ka West Khasi Hills District Cricket Association, ka la pyntip ba ka jingïalehkai final jong ka First Division District Cricket League 2025-2026 kan long ha ka sngi Balang hapdeng ka Upper New Nongstoiñ SS&CC pyrshah ïa ka Nongkyna YFS&CC ha ka por 11 baje mynstep ha madan Mawrusyiar.
