Shillong, K’Lyngkot 27
Ki khynnah ïalehkai ka Mawsahew SC ki la long ki lahduh ha ka lympung ïalehkai U-13 Football Tournament 2025-26 ba la pynïaid da ka Maraikaphon Youth Club, hadien ba ki la lah ban pynliem noh ïa ka Seng Samla Laitryngew lyngba ka tie-breaker da 5-3 kol ha ka jingïakhun final kaba la long ha ka sngi Saitjaiñ.
Ha katei ka sngi la ïadon lang u MDC ka Sohra u Bah Titosstrawell Chyne ha ryngkat ki nongkitkam katei ka klob bad ki paidbah kiba la pynshongshit bad ai mynsiem ïa ki khynnah kiba ïakhun ban ïaknieh ïa ka nam lahduh.
Ka Mawsahew SC kaba long ka lahduh ha kane ka lympung ka la ïoh rah ïa ka song pisa kaba T. 30,000 tyngka bad Laitryngew SC ka la ïoh T. 15,000 tyngka. Ïa ka nam Man of the Match la ïoh da u Hamebanjop Wansan ka SSL, Best Goalkeeper ka leit sha u Morningstarwel Wansai ka Mawsahew SC, Player of the Tournament sha u Hamarbamut Wansai ka Mawsahew SC, kiba la ïoh artad bad ka song pisa kaba long mar T. 1000 hajar tyngka, katba ka nam Discipline Player ka leit sha u Bamedaskhem Diengdoh ka Mawsahew SC bad uba la rah artad bad ka song pisa kaba long T. 5000 hajar tyngka.
