Shillong, K’Lyngkot 28
Ka Muay Thai Association of Meghalaya (MTAM) ka la pynbna ba kan pynlong ïa ka 6th Meghalaya State Level Mauy Thai Championship naduh 25 haduh 28 tarik u Rymphang mynta u snem ha Indoor Stadium Hall Saiden.
Kat kum ka kyrwoh ba la pyllait da u President u Bah A. Sun la ong ba ha katei ka lympung ki kyrdan ïalehkai ki long Junior, Sub-Junior, Senior jong ki kynthei bad shynrang.
U la ïathuh ba katei ka lympung ka long shi bynta ban jied ïa ki nongïalehkai senior shynrang bad kynthei ki ban don ha ka jingpynkhreh na ka bynta ka 39th National Games ka ban long ha 2027 ha ka jylla Meghalaya.
Na ka liang u President u la pyntikna ruh ban wanrah ïa ka nam ka burom na ka bynta ka Meghalaya.
