Nongstoiñ, K’Lyngkot 28
Ka Upper New Nongstoiñ SS&CC ka la khur ïa ka nam lahduh ha ka First Division District cricket League 2025-2026 ba la pynïaid da ka West Khasi Hills District Cricket Association.
Kane ka nam jop ka la wan hadien ba ka la lah ban pynliem noh ïa ka Nongkyna YFS&CC da 7 wiket ha ka jingïakhun phainal kaba la long ha ka sngi Balang ha madan Mawrusyiar, West Khasi Hills.
Haba phai sha kane ka jingïakhun, ka Nongkyna kaba la kam trai ban tied nyngkong ka la kamai 85 run bad shah pynhap 10 wiket ha ki 20 over. Hynrei haba wan shimti ïa ka pali kaba ar, ka Upper New Nongstoiñ ka la lah ban kynjoh sha ka thong da kaba kamai 88 run bad shah pynhap 3 wiket ha ki 13.5 over.
Ha kane ka sngi la sam ruh ïa ki khusnam shimet kiba kynthup ïa ka Player of the Match la ïoh da u James Refer Marbaniang na ka Upper New Nong-stoiñ, Highest Run Scorer la ïoh da u Navin Mumar Ray na ka Youngstar United, Highest Wicket Taker la ïoh da u Kevin Kynshi-khar na ka Nongkhna, nangta ka nam Player of the Tournament ka leit sha u Kevin Kynshikham, katba ïa ka nam Emerging Player la ïoh da u Kular Wanñiang na ka Lawse A.
Ïa ki khusnam sha kine ki kynhun la sam da u Bah Samuel Marngar uwei na ki riew rangbah jong ka dong ka thaiñ uba long u kongsan ha ka jingdonlang lang ruh ki nongkitkam jong ka WKHDCA, MYCC, bad kiwei kiwei.
